।। नारद उवाच।।
कवचं श्रोतुमिच्छामि तां च विद्यां दशाक्षरीम् ।।
नाथ त्वत्तो हि सर्वज्ञ भद्रकाल्याश्च साम्प्रतम् ।। १ ।।

नारायण उवाच ।।
शृणु नारद वक्ष्यामि महाविद्यां दशाक्षरीम् ।।
गोपनीयं च कवचं त्रिषु लोकेषु दुर्लभम् ।। २ ।।
ॐ ह्रीं श्रीं क्लीं कालिकायै स्वाहेति च दशाक्षरीम् ।।
दुर्वासा हि ददौ राज्ञे पुष्करे सूर्य्यपर्वणि ।।३।।
दशलक्षजपेनैव मन्त्रसिद्धिः कृता पुरा ।।
पञ्चलक्षजपेनैव पठन्कवचमुत्तमम् ।।४।।
बभूव सिद्धकवचोऽप्ययोध्यामाजगाम सः ।।
कृत्स्नां हि पृथिवीं जिग्ये कवचस्य प्रभावतः ।। ५ ।।

नारद उवाच ।।
श्रुता दशाक्षरी विद्या त्रिषु लोकेषु दुर्लभा ।।
अधुना श्रोतुमिच्छामि कवचं ब्रूहि मे प्रभो ।। ६ ।।

नारायण उवाच ।।
शृणु वक्ष्यामि विप्रेन्द्र कवचं परमाद्भुतम् ।।
नारायणेन यद्दत्तं कृपया शूलिने पुरा ।। ७ ।।
त्रिपुरस्य वधे घोरे शिवस्य विजयाय च ।।
तदेव शूलिना दत्तं पुरा दुर्वाससे मुने ।।८।।
दुर्वाससा च यद्दत्तं सुचन्द्राय महात्मने ।।
अतिगुह्यतरं तत्त्वं सर्वमन्त्रौघविग्रहम् ।। ।।९।।
ॐ ह्रीं श्रीं क्लीं कालिकायै स्वाहा मे पातु मस्तकम् ।।
क्लीं कपालं सदा पातु ह्रीं ह्रीं ह्रीमिति लोचने ।। 3.37.१० ।।
ॐ ह्रीं त्रिलोचने स्वाहा नासिकां मे सदाऽवतु ।।
क्लीं कालिके रक्ष रक्ष स्वाहा दन्तान्सदाऽवतु ।। ११ ।।
क्लीं भद्रकालिके स्वाहा पातु मेऽधरयुग्मकम् ।।
ॐ ह्रीं ह्रीं क्लीं कालिकायै स्वाहा कण्ठं सदाऽवतु ।। १२ ।।
ॐ ह्रीं कालिकायै स्वाहा कर्णयुग्मं सदाऽवतु ।।
ॐ क्रीं क्रीं क्लीं काल्यै स्वाहा स्कन्धं पातु सदा मम ।। १३ ।।
ॐ क्रीं भद्रकाल्यै स्वाहा मम वक्षः सदाऽवतु ।।
ॐ क्लीं कालिकायै स्वाहा मम नाभिं सदाऽवतु ।। १४ ।।
ॐ ह्रीं कालिकायै स्वाहा मम पृष्ठं सदाऽवतु ।।
रक्तबीजविनाशिन्यै स्वाहा हस्तो सदाऽवतु ।। १५ ।।
ॐ ह्रीं क्लीं मुण्डमालिन्यै स्वाहा पादौ सदावतु।।
ॐ ह्रीं चामुण्डायै स्वाहा सर्वाङ्गं मे सदाऽवतु।।१६।।
प्राच्यां पातु महाकाली चाग्नेय्यां रक्तदन्तिका ।।
दक्षिणे पातु चामुण्डा नैर्ऋत्यां पातु कालिका ।। १७ ।।
श्यामा च वारुणे पातु वायव्यां पातु चण्डिका ।।
उत्तरे विकटास्या चाप्यैशान्यां साट्टहासिनी ।। १८ ।।
पातूर्ध्वं लोलजिह्वा सा मायाऽऽद्या पात्वधः सदा ।।
जले स्थले चान्तरिक्षे पातु विश्वप्रसूः सदा ।। १९ ।।
इति ते कथितं वत्स सर्वमन्त्रौघविग्रहम् ।।

सर्वेषां कवचानां च सारभूतं परात्परम् ।।3.37.२०।।
सप्तद्वीपेश्वरो राजा सुचन्द्रोऽस्य प्रभावतः ।।
कवचस्य प्रभावेन मान्धाता पृथिवीपतिः ।। २१ ।।
प्रचेता लोमशश्चैव यतः सिद्धो बभूव ह ।।
यतो हि योगिनां श्रेष्ठः सौभरिः पिप्पलायनः ।। २२ ।।
यदि स्यात्सिद्धकवचः सर्वसिद्धीश्वरो भवेत् ।।
महादानानि सर्वाणि तपांस्येवं व्रतानि व ।।
निश्चितं कवचस्यास्य कलां नार्हन्ति षोडशीम् ।। २३ ।।
इदं कवचमज्ञात्वा भजेत्कालीं जगत्प्रसूम् ।।
शतलक्षं प्रजप्तोऽपि न मन्त्रः सिद्धिदायकः ।। २४ ।।
इति श्रीब्रह्मवैवर्ते महापुराणे तृतीये गणपतिखण्डे नारदनारायणसंवादे भद्रकालीकवचनिरूपणं नाम सप्तत्रिंशत्तमोऽध्यायः ।।

nārada uvāca..
kavacaṃ śrotumicchāmi tāṃ ca vidyāṃ daśākṣarīm ..
nātha tvatto hi sarvajña bhadrakālyāśca sāmpratam .. 1 ..

nārāyaṇa uvāca ..
śṛṇu nārada vakṣyāmi mahāvidyāṃ daśākṣarīm ..
gopanīyaṃ ca kavacaṃ triṣu lokeṣu durlabham .. 2 ..
oṃ hrīṃ śrīṃ klīṃ kālikāyai svāheti ca daśākṣarīm ..
durvāsā hi dadau rājñe puṣkare sūryyaparvaṇi ..3..
daśalakṣajapenaiva mantrasiddhiḥ kṛtā purā ..
pañcalakṣajapenaiva paṭhankavacamuttamam ..4..
babhūva siddhakavaco’pyayodhyāmājagāma saḥ ..
kṛtsnāṃ hi pṛthivīṃ jigye kavacasya prabhāvataḥ .. 5 ..

nārada uvāca ..
śrutā daśākṣarī vidyā triṣu lokeṣu durlabhā ..
adhunā śrotumicchāmi kavacaṃ brūhi me prabho .. 6 ..

nārāyaṇa uvāca ..
śṛṇu vakṣyāmi viprendra kavacaṃ paramādbhutam ..
nārāyaṇena yaddattaṃ kṛpayā śūline purā .. 7 ..
tripurasya vadhe ghore śivasya vijayāya ca ..
tadeva śūlinā dattaṃ purā durvāsase mune ..8..
durvāsasā ca yaddattaṃ sucandrāya mahātmane ..
atiguhyataraṃ tattvaṃ sarvamantraughavigraham .. ..9..

oṃ hrīṃ śrīṃ klīṃ kālikāyai svāhā me pātu mastakam .. (head)
klīṃ kapālaṃ sadā pātu (skull) hrīṃ hrīṃ hrīmiti locane .. 3.37.10 .. (eyes)
oṃ hrīṃ trilocane svāhā nāsikāṃ me sadā’vatu .. (nose)
klīṃ kālike rakṣa rakṣa svāhā dantānsadā’vatu .. 11 .. (teeth)
klīṃ bhadrakālike svāhā pātu me’dharayugmakam .. (lips)
oṃ hrīṃ hrīṃ klīṃ kālikāyai svāhā kaṇṭhaṃ sadā’vatu .. 12 .. (throat/neck)
oṃ hrīṃ kālikāyai svāhā karṇayugmaṃ sadā’vatu .. (ears)
oṃ krīṃ krīṃ klīṃ kālyai svāhā skandhaṃ pātu sadā mama .. 13 .. (shoulders)
oṃ krīṃ bhadrakālyai svāhā mama vakṣaḥ sadā’vatu .. (chest)
oṃ klīṃ kālikāyai svāhā mama nābhiṃ sadā’vatu .. 14 .. (naval)
oṃ hrīṃ kālikāyai svāhā mama pṛṣṭhaṃ sadā’vatu .. (back)
raktabījavināśinyai svāhā hastau sadā’vatu .. 15 .. (hands)
oṃ hrīṃ klīṃ muṇḍamālinyai svāhā pādau sadāvatu.. (feet)
oṃ hrīṃ cāmuṇḍāyai svāhā sarvāṅgaṃ me sadā’vatu..16.. ( all the body parts)
prācyāṃ pātu mahākālī (east) cāgneyyāṃ raktadantikā .. (south east)
dakṣiṇe pātu cāmuṇḍā (south) nairṛtyāṃ pātu kālikā .. 17 .. (south west)
śyāmā ca vāruṇe (west) pātu vāyavyāṃ pātu caṇḍikā .. (north west)
uttare vikaṭāsyā (north) cāpyaiśānyāṃ sāṭṭahāsinī .. 18 .. (north east)
pātūrdhvaṃ lolajihvā sā (up) māyā’‘dyā pātvadhaḥ sadā .. (down)
jale sthale cāntarikṣe pātu viśvaprasūḥ sadā .. 19 .. ( water, land and space)
iti te kathitaṃ vatsa sarvamantraughavigraham ..
sarveṣāṃ kavacānāṃ ca sārabhūtaṃ parātparam ..3.37.20..
saptadvīpeśvaro rājā sucandro’sya prabhāvataḥ ..
kavacasya prabhāvena māndhātā pṛthivīpatiḥ .. 21 ..
pracetā lomaśaścaiva yataḥ siddho babhūva ha ..
yato hi yogināṃ śreṣṭhaḥ saubhariḥ pippalāyanaḥ .. 22 ..
yadi syātsiddhakavacaḥ sarvasiddhīśvaro bhavet ..
mahādānāni sarvāṇi tapāṃsyevaṃ vratāni va ..
niścitaṃ kavacasyāsya kalāṃ nārhanti ṣoḍaśīm .. 23 ..
idaṃ kavacamajñātvā bhajetkālīṃ jagatprasūm ..
śatalakṣaṃ prajapto’pi na mantraḥ siddhidāyakaḥ .. 24 ..
iti śrībrahmavaivarte mahāpurāṇe tṛtīye gaṇapatikhaṇḍe nāradanārāyaṇasaṃvāde bhadrakālīkavacanirūpaṇaṃ nāma saptatriṃśattamo’dhyāyaḥ ..

I have given you the body parts and directions within brackets. you can visualize that the particular mantra or the particular goddess is protecting that body part and guarding you and pray to her and request her to protect that.

example

oṃ hrīṃ śrīṃ klīṃ kālikāyai svāhā me pātu mastakam – while chanting this verse visualise that goddess kaalika is protecting your head and pray to her for protection and thank her for protecting and so on.

and for directions also

prācyāṃ pātu mahākālī – goddess mahākālī protecting the devotee (you) residing in the eastern direction. and so on.

This becomes a simple yet powerful sadhana. (spiritual practice)